Musika Hamabostaldiak itxi du bere 82. edizioa, susperraldirako bidean

82. Donostiako Musika Hamabostaldia amaitu da Budapest Festival Orchestraren kontzertuarekin, Ivan Fischer zuzendariaren gidaritzapean. Dejan Lazic pianistak lagunduta helduko da, Ravelen Kontzertua solen interpretatuko duena. Hitzordua abuztuak 27, ostiralarekin, 19:30ean, Kursaal Auditorioan.

Budapest Festival Orchestra, munduko 10 talde sinfoniko onenen artean sailkatu izan dutena, jaialdia azken urteetan aldi gehienetan bisitatu duen nazioarteko orkestra da. Oraingoan edizioko amaierako kontzertua emango du. Iaz pandemiagatik ospatu zen edizio murriztuaren ostean, jaialdiak ohiko egitaraua berreskuratzeko apustua egin du, kontzertu kopuruari dagokionez, nazioarteko artisten parte-hartzeari dagokionez eta Hamabostaldiaren ikur izan ohi den musika koralaren protagonismoa berreskuratzeari dagokionez. Kontzertua ospatzeke den honetan, nolabaiteko normaltasunera itzultzeko saiakerarekiko helburuak bete direla esan daiteke.