Musika Hamabostaldiak 250 zuhaitz landatuko ditu Donostiako Puio parkean
10.12.2015
ikusi
berri
guztiak
berri
guztiak
>
<Hurrengo Berria
Haritzalde Naturzaleen Elkartearekin batera egingo den landaketa honek, Musika Hamabostaldiak ingurumena zaindu eta errespetatzeko hartu zuen konpromiso sendoari erantzuten dio
Datorren larunbatean, abenduak 12, goizeko 10:00ak eta 12:00ak bitartean, Haritzalde Naturzaleen Elkarteak eta Musika Hamabostaldiko Lagunek 250 zuhaitz landatuko dituzte Donostiako Puio parkeko magal batean. Landaketa honekin, 2012an abiatu zen basoberritzea amaitutzat ematen da.
Landatuko diren zuhaitzak honokoak izango dira:
- 50 Astigar zuria
- 50 Astigar arrunta
- 120 Lizar
- 30 Haltz
Ekintza hau 2010.urtean Musika Hamabostaldiak ingurumenarekin hartu zuen konpromiso sendoaren baitakoa da. “Hamabostaldi Berdea” ekimena aitzindaria da gainera musika klasikoko jaialdien esparruan, eta bere helburu nagusia jaialdian parte hartzen duten artistak, bertako langileak eta baita publikoa bera ere kontzientziatzea da, ingurumenaren alde egin eta inpaktu negatiboak murrizteko ahalegina egin dezaten.
- 2010: Accionatura
- 2011: ADENA / WWF
- 2012: Haritzalde
- 2013-14: EtxEKOlanda
- 2015: Haritzalde
