Albéniz Trío

Albéniz Trío

Egoitza Amsterdamen eta Madrilen duen Albéniz Trío Espainiako Auditorio Nazionalean, Sony Auditorioan, Madrilgo Juan Marchen, Amsterdameko Het Concertgebouwn eta Muziekgebouwn, Baden-Wurtembergeko (Alemania) Tauberphillharmonien eta Utrechteko TívoliVredengurgen aurkeztu da, besteak beste. Hirukoteko kideek Madrilgo Reina Sofia Goi Mailako Musika Eskolan ezagutu zuten elkar. Taldekideak beren diziplinetan sarituak izan dira eta eskolako “Ganbera Musikako talderik aipagarrienaren” saria jaso zuten G. Pichler, H. Müller et M. Gulyás irakasleen tutoretzapean. Trioak izaera propioa eraiki du egindako ibilbidean zehar: errepertorioa ia osorik buruz interpretatzen dute, publikoarekin elkarreragiten dute eta beren profesionaltasun handiagatik eta haien estilo gaztegatik nahiz belaunaldi berriekiko hurbiltasunagatik bereizten dira. Honi esker hainbat sari irabazi dituzte: 2020an “Jeunesses Musicales” saria irabazi zuten eta 2021ean “Antón García Abril” Nazioarteko Ganberako Musika Lehiaketako 1. saria eskuratu zuten. 2022an 1. saria eta “Arthur Rubinstein” Sari Berezia irabazi zituzten Poloniako Łódź hiriko “Kiejstut Bacewicz” Nazioarteko Ganbera Musika Lehiaketan.