Bilbao Sinfonietta

Bilbao Sinfonietta

Bilbao Sinfonietta ganbera orkestra malgua da, musika klasiko-garaikideari testuinguru ezberdinetan aurre egiteko gai dena eta norabide argia duena: gaur egungo kulturaren bihotzera heltzea bertsio koherente eta ausarten bidez. Egungo musikarekiko duen konpromisoak “Pocket Opera” izeneko ganberako opera ziklo txiki bat sortzera eraman du. Ziklo horretako bi lan euskaraz estreinatu ditu denboraldi honetan: Arrosa Xuriaren Artean (F. Domínguez) eta Bigarren Sexua (A. López Iraola). Azken hau taldearen bigarren grabazioa izango da, berriki lehen lana grabatu baitu IBS Classical zigiluarentzat, “Falla 1915”, Melómano de Oro saria irabazi berri duen diskoa.

Hainbat izan dira interpretatu dituzten izenburuak, Calixto Bieito, Mikel Gomez de Segura edo Barbora Horakova eszena zuzendariekin, besteak beste: Fallaren Amodio Sorgina, Kurt Weillen Zazpi bekatu nagusiak, I. Stravinskyren Soldadu baten istorioa, eta abar. Dantzari dagokionez, Lucía Lacarra, Matthew Golding, Iratxe Ansa, Igor Bacovich eta Circle of trust konpainiarekin lan egin dute. Azaroan Madrilgo Reina Sofía auditorioan “konpositore gazteen lehiaketako” finalisten lana emango du talde instrumentalak. Hurrengo denboraldian Haendel konpositorearen “Mesias” lanarekin bira egingo dute.