Ikastaroa abuztuaren 4tik 8ra egingo da, batez ere Donostiako Koruko Andre Mariaren basilikako Cavaillé-Coll organoan (1863) eta Michel Bouvard izango da irakaslea.
Eskolak goizez izango dira.

Matrikularen salneurria:
Ikasle jarduleak: 170 € (gehienera, 12 plaza)
Ikasle entzuleak: 130 €
(Matrikularen salneurrian sartuta daude: bazkari bat, eta ikasleen kontzertuaren osteko afaria)

Oharra:
Ikastaroa AKTIBO gisa egin nahi duten ikasleek CURRICULUM VITAEa erantsi beharko dute. Matrikularen ordainketa ikastaroan onartua izan ondoren bakarrik
egingo da.

Izena emateko azken eguna maiatzaren 14a izango da. Izenematea itxi ondoren, ikasle guztiekin harremanetan jarriko gara posta elektronikoz, onarpenaren berri emateko. Aktibo gisa onartuak ez diren ikasleek lehentasuna izango dute ikasle entzule gisa.
Erakundea arduratu daiteke ikasleen egoitzetan plazak erreserbatzeaz. Horretarako derrigorrezkoa da izena emateko inprimakian dagokion atala betetzea.

Irakaslea: Michel Bouvard
Michel Bouvarden aitona, Jean Bouvard, Lyongo organista eta musikagilea izan zen, eta Louis Vierneren ikaslea, eta hark helarazi zion txikitatik musikarako zaletasuna. Michelek, Rodezen eta Parisen ikasi ondoren, Saint-Séverinen osatu zuen prestakuntza, eta bertako organista titularra izan zen hamar urtez. 1983an, lehen saria irabazi zuen Toulouseko Nazioarteko Lehiaketan, eta hura izan zen bere karreraren lehen urratsa. 1985ean Xavier Darasseren ondorengoa izan zen Toulouseko Kontserbatorioan, eta garrantzizko zeregina bete zuen hiriko eta eskualdeko ondarearen defentsan: Willem Jansen lankidearekin batera, kontzertuak, ikastaroak eta lehiaketak antolatu zituen, eta 1996an Les Orgues Toulouseko Nazioarteko Jaialdia sortu zuen (bertako zuzendari izan zen lau urtez). 1995etik 2021era bitartean organoko irakaslea izan zen Parisko Goi Mailako Kontserbatorioan, Olivier Latryrekin batera, eta lan pedagogiko itzela egin zuen harekin. 1996. urteaz geroztik, Toulouseko Saint-Sernin Basilikako Cavaillé-Coll organo historikoaren organista titularra da, eta 2010ean Versaillesko Errege Jauregiko Kaperako lau organista titularretako bat izendatu zuten.

Egitaraua: 
Behin onartuak izan direla baieztatuz gero, ikastaroko ikasle aktiboek hurrengoen artean aukeratutako bi obra aurkeztu beharko dituzte. Ikastaroan izena eman duen ikasle bakoitzak uztailaren 1a baino lehen jakinarazi beharko du prestatu dituen obren zerrenda:

Johann Sebastian Bach (1685-1750)
Orgelbüchlein
Chorals de Leipzig nº 3,4,5,6,7,8 et 9
Clavierübung III
Préludes et fugues (BWV 541,543,547 et 548)
Fantaisie (pièce d’orgue) en sol majeur (BWV 572)
Fantaisie et fugue en sol mineur (BWV 542)
Fantaisie et fugue en ut mineur (BWV 537)

César Franck (1822-1890)
Pièces au choix

Johannes Brahms (1833-1897)
Préludes de chorals (op. 122)

Charles-Marie Widor (1844-1937)
Cinquième Symphonie en fa mineur (op.42, nº1)
Dixième Symphonie en ré majeur, ‘Romane’ (op.73)
Louis Vierne (1870-1937)
Deuxiéme Symphonie en mi mineur (op.2)
Troisiéme Symphonie en fa dièse mineur (op.28)
Maurice Duruflé (1902-1986)
Prélude, adagio et choral varié sur le thème du ‘Veni Creator’ (op.4): Choral
Suite (op.5): Prélude en mi bémol mineur
Prélude eta fugue sur le nom d’Alain (op.7)

Organoak:
ezaugarri teknikoak

Organo-kontzertuen zikloa:
egitaraua

Organo Erromantikoaren Nazioarteko Ikastaroaren inguruko informazio gehiego nahi izanez gero:
Jaialdiko zuzendari artistikoa: Ana Belén García Pérez
anaorganfestivalsansebastian@gmail.com