#SOLasean 18-30 urte

Musika klasikoaren jarraitzaile izan gabe ere, Hamabostaldian lehen urratsak egin nahi dituztenentzako ekimena.

Agian ez zara inoiz musika klasikoko kontzertu batean izan. Musika mota hori arrotza zaizulako, edota ez zarelako musika klasikoaren jarraitzaileek osatzen duten talde ‘berezi’ horretako kide sentitzen... Edonola ere, Musika Hamabostaldiko emanaldi batera gonbidatu nahi zaitugu.

#SOLasean ekimenari esker, pertsona talde batek aukera izango du aurrenekoz, doan, Hamabostaldiko emanaldi batera bertaratzeko. Aurtengoan, operaren, orkestra handiak protagonista dituzten musika klasikoko kontzertuen (Kursaal) eta baita dantza garaikideko emanaldien (Tabakalera) artean ere aukeratu ahal izango da. Emanaldiaren aurretik, saioaren nondik norakoak azalduko dizkizugu, eta amaieran ere zurekin elkartuko gara, bizitako esperientziaren berri eman diezaguzun. Gustuko izan al duzu? Errepikatuko zenuke? Zergatik ez zara etorri orain arte? Zerk harritu zaitu gehien? Ezagutzen al duzu Hamabostaldiko egitaraua?

Ekimen honetan parte hartuz lehen aldiz Hamabostaldiko esperientzian murgildu nahi baduzu, formulario honetan eman dezakezu izena. Bakarka zein lagunekin etor zaitezke. Data eta dagokizun adin taldea aukeratu eta... gozatu!

(Sarrera mugatua)
Informazio gehiago: 943 00 31 70

Ordu Gaztea

30 urtetik beherakoa bazara eta 3 euro badituzu, baduzu plana.

30 urtetik beherako lagunek Kursaal Auditorioko eta Victoria Eugenia Antzokiko sarrerak (abuztuaren 8ko Haurren Hamabostaldiko kontzerturako izan ezik) 3 euroko salneurrian eskuratu ahal izango dituzte Kursaaleko eta Antzokiko leihatiletan, egun bakoitzeko ikuskizuna hasi baino ordubete lehenago. Aukera hau, leihatilan egun bakoitzean erabilgarri dauden sarreren araberakoa izango da, eta adina egiaztatzea ezinbestekoa izango da.

*Langabeak promozio hau baliatu dezakete, eguneratutako Lanaldien Txostena aurkeztuz.

Musikeler

Inoiz hartu al duzu garagardo bat errepertorio klasikoa entzunaz? Ez zaizu erakargarria iruditzen? Musika Hamabostaldiak zuzeneko musika eta garagardoa dastatzeko aukera eskaintzen dizu, Convent Gardeneko kriptan leku hartuko duten bi kontzerturekin.

[Translate to Euskera:] Cadenza Quartet

Cadenza Quartet

Musikeler

+info

[Translate to Euskera:] Cuarteto Koda

Cuarteto Koda

Musikeler

+info