Cuarteto Gerhard

Gerhard Quartet

2010ean sortu eta berehala jo zuten nazioartean nortasun eta etorkizun handia duen taldetzat. Gerhard laukoteak argi erakutsi du, ikusmin orotik harago, talentuak eta pertseberantziak arrakastara gidatzen dutela. Akatsik gabeko lanagatik, bereziki soinuari dagokionez, eta izen handiko laukotea bilakatzeko helburuagatik (elkarrekin jotzen duten musikari bikainak baino zerbait gehiago), erraza da ulertzen jaso duten aitorpena. Harmonia Mundi International diskoetxearekin 2017an debutatu zuten mundu osoko hedabideen kritika ezin hobeekin, eta horrek Europako zirkuituan bermatu zituen. Era berean, Elbphilharmonie Hamburg, Festival Radio France Montpellier, Veneziako La Fenice, Weimar Kunstfest, Instituo Arnold Schoenberg (Viena) eta beste hainbatetan aritu dira, besteak beste.

Estatu mailan, sarri aritu dira Cuencako auditorioan Mozarten laukote enblematikoen zikloan, eta 2022ko enboralditik Torroella de Montgrí jaialdiko eta Musika Hamabostaldiko egoiliar dira Shostakovitx konpositorearen laukoteen ziklo osoarekin. Nabarmentzekoa da laukoteak sorkuntza berriko musikarekin duen konpromisoa: Madrilgo CNDM ziklo entzutetsuan eta Aix-en-Provenceko Nuit de la Créationen eman izan ditu kontzertuak.