Cuarteto Quiroga

Cuarteto Quiroga

“Bikaina” New York Times egunkariaren arabera eta “soinu eder eta teknika akasgabekoa” The Strad-en hitzetan. 2018an Espainiako Musika Sari Nazionala jaso zuen Manuel Quiroga biolinista galiziarra omentzen duen laukoteak. Museo Cerralbo Fundazioko egoiliarra da eta Madrilgo Errege Jauregiko Stradivarius Bilduma Palatinoaren arduraduna izandakoa. Nazioarteko lehiaketa garrantzitsuenetan saritu dute (Bordele, Paolo Borciani, Geneva, Pekin, Paris, eta abar) eta RNEren Ojo Crítico saria eta Bartzelonako Palauko Urrezko Domina eman zizkioten. Maiz aritzen da munduko agertoki garrantzitsuenetan eta berekin kolaboratu izan dute M. Argerich, V. Hagen, V. Erben, J. Widmann edo J. Perianes-en tamainako musikariek. Cobra eta Harmonia Mundi zigiluentzat grabatu duen diskografia nazioarteko kritikak txalotu du eta ematen dituzten kontzertuak Europako eta Amerikako irrati kate garrantzitsuenek grabatu eta eman dituzte. Konpromiso sendoa dute sorkuntza garaikidearekin —Peter Eötvös, Cristóbal Halffter, J.M. Sanchez Verdú eta beste hainbaten obrak estreinatu dituzte— eta irakaskuntzarekin: laukoteko kideek Aragoiko Goi Mailako Kontserbatorioan, Madrilgo Goi Maialako Errege Kontserbatorioan, Musikenen eta Salzburgoko Mozarteum Unibertsitatean eskolak ematen dituzte.