Cappella Mariana ahots taldeak eta Constantinople instrumentu taldeak Krystof Haranten Odisea izeneko kontzertua emango dute, Vojtech Semered eta Kiya Tabassianen ideia batean oinarritua. Txekiar noble, bidaiari, humanista, soldadu, idazle eta konpositore horren bizi-gorabeherak 1621ean amaitu ziren, Bohemiako Matxinada Protestantean parte hartzeagatik exekutatu zutenean; baina ordurako erromes ibilia zen Pragatik Jerusalemera, Venezia, Zipre, Sinai eta Kairotik igaroz; odisea hori bere bidaia-liburuetan jasota utzi zuen. Kontzertua Krystof Haranten munduan barrena bidaia musikal bat da, bere musika propioaren bidez eta bere bidaian zehar entzun ahal izan zituen beste hainbat musiken (mediterranear ingurukoak, ekialdeko kutsudunak…) bidez, gaur egunera arte ahozko tradizioaren bidez iritsi direnak, eta baita bere bidaia-liburuaren bidez ere, Ramón Barea aktorearen narrazioan.
"Bidaia bi taldeen gidari izango den itsasargia bezalakoa da: aurkikuntza geografiko, historiko, kultural eta barnealdeko bidaia urruneko horizontetarantz", Vojtěch Semerád Cappella Marianako zuzendariaren arabera.
Interpreteak
Cappella Mariana
Vojtěch Semerád zuzendaritza artistikoa eta ideia
Constantinople
Kiya Tabassian zuzendari artistikoa
Ramón Barea narratzailea
Programa
“Odisea de Krystof Harant”
Harant, Tabassian, Murad, Misri, Seyfullah eta abarren lanak.
Ramón Barearen ahotsean entzungo den kontaketa Kristof Harant-en bidaia-liburuko pasasrteak dira ("Bohemiara bidaia Jerusalemdik, Veneziatik igarota, itsasoz").
